Khit Thit သတင်းဌာန၏ ဇန်နဝါရီ ၁၇ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇန်နဝါရီ ၁၇ ရက် ညနေပိုင်းတင်ဆက်ပေးမယ့်သတင်းတွေကတော့ - တနင်္သာရီတိုင်း၊ ပုလောမြို့နယ်၊ ရှပ်ပုံကျေးရွာအနီးမှာ ဇန်နဝါရီလ ၁၆ ရက်နေ့က အကြမ်းဖက် စစ်ကောင်စီတပ်နဲ့ ပြည်သူ့ကာကွယ်ရေးတပ်ဖွဲ့ကြား တိုက်ပွဲဖြစ်ပွားခဲ့ရာမှာ စစ်ကောင်စီတပ်သား နဲ့ ပျူစောထီး ၄ ဦး သေသွားတဲ့အပြင် သေနတ် ၁ လက်ပါ သိမ်းဆည်း ရရှိခဲ့တယ်လို့ ဒေသတွင်း သတင်းရင်းမြစ်ဆီကနေ သိရပါတယ်။ -လောင်းလုံးမြို့နယ်၊ သကျက်တောရွာက စစ်ကောင်စီလက်အောက်ခံ နယ်မြေရဲစခန်းကို PDF တပ်ဖွဲ့ တွေကနေ ဇန်နဝါရီလ ၁၆ ရက်နေ့မှာ မီးရှို့ ရှင်းလင်းခဲ့တယ်လို့ LLPDF တပ်ဖွဲ့ဆီကနေ သိရပါတယ်။ -ကယားပြည်နယ်၊ ဖရူဆိုမြို့အတွင်းမှာ တပ်စွဲထားတဲ့ အကြမ်းဖက် စစ်ကောင်စီတပ်သားတွေကို ဇန်နဝါရီလ ၁၂ ရက်နေ့က ပြည်သူ့ကာကွယ်ရေးတပ်ဖွဲ့တွေက စနိုက်ပါနဲ့ ပစ်ခတ်ရာမှာ စစ်ကောင်စီဘက်က ၂ ဦး သေသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
